Dagur 23. Jóladagatal

2004 spurði ég um uppáhaldsdag á aðventunni og hér eru nokkur af svörunum.

Uppáhaldsdagurinn minn er 23 des. Þorláksmessudagur.
Þá er hangikjötsilmur í húsinu, jólakveðjurnar í útvarpinu og allir á hlaupum að kaupa það sem gleymdist, þá fara allir í bað um kvöldið og í ný náttföt og nærföt og fara svo að sofa í hreinum rúmfötum sem ilma alltaf svo sérstaklega vel einmitt á þorláksmessukveldi :)

Ég held að mér finnist Þorláksmessan skemmtilegust,og svo þegar ró fellur yfir á aðfangadagskvöld,það fyllir mann alltaf miklum friði og ekki spillir að hafa HÆFILEGAN jólasnjó.

Svo þakka ég fyrir afar skemmtilegan jólavef hjá þér og vona að þú og þín fjölskylda eigið ánægjurík og gleðileg jól á nyja heimilinu á Akureyri. Gleðileg jól.

Mér finnst jóladagur standa uppúr þegar hugsað er til eins dags fyrir allt árið. Ástæða þess er sú að þegar ég var krakki bjó ég í þorpi úti á landi og foreldrar mínir ráku fyrirtæki. Þennan dag gat maður alltaf verið með mömmu og pabba því þá var allt lokað og þau voru síður trufluð þennan dag en t.d nýársdag. Þessi dagur var algjör fjölskyldudagur allir á náttfötunum allan daginn, spilað, borðað og leikið sér að jólagjöfunum. Í dag held ég en uppá þennan dag og "passa" mig á því að klæða mig ekki úr náttfötunum og nýt þess að vera með strákunum mínum og eiginmanni.

Takk fyrir frábæran vef. Gleðileg jól og árið.

Það er 12 des af því þá kemur 1 jólasveinninn og svo 24 des því þá fær maður marga jólapakka, í gær sagði ég við mömmu að ég vildi að jólin væru alltaf nema á afmælisdaginn, hún sagði að þá myndi mér ekkert finnast gaman að fá jólapakka og ekkert vera spennandi við jólin, það er sennilega rétt hjá henni.

Mér finnst þorláksmessa alltaf skemmtilegust - 23. desember því þá eru allir í svo góðu skapi og aðfangadagur alveg að bresta á. Þá er búið að skreyta allt hátt og lágt og verið að gera síðustu innkaupin. Einnig er skata ómissandi og er hún borðuð af bestu lyst. Einnig vinn ég aldrei á þorláksmessu og erum við fjölskyldan bar aí því að skoða jólasveinana og hafa það gott og rólegt

Góðan daginn
Mér finnst 24.desember skemmtilegastur. Á þeim degi fer saman tilhlökkun, undirbúningur á lokastigi, ánægja með það sem er komið og spenningur eftir kvöldinu.
Eftir því sem maður eldist breytist spenningurinn eftir sínum eigin pökkum í spenning eftir góðum mat og ánægju hinna sem taka upp pakkana frá mér.
Mér finnst samt mikilvægt að njóta hvers augnabliks í undirbúningnum frá 1.degi í aðventu og síðan allia þessa góðu jóladaga. Ef við gefum okkur tíma til að njóta í stað þess að keppast um að vera með meira en hinir, af öllu, held ég að fleiri ættu gleðileg jól.
Gleðileg jól

Mér fannst allir dagarnir skemmtilegir. Ef þú ert að tala um getraunirnar þá fannst mér allir jafn skemmtilegir. Annars fanst mér líka mjög gaman að sögunni það var mjög gaman að fylgjast með henni því hún var svo spennnandi. En gleðileg jól Júlli og farsælt nýtt ár.

Aðfanga dagur er uppáhalds dagurinn minn allveg frá morgni til kvölds vegna þess að það er svo margar ómissandi jólahefðir þann dag. Til dæmis gefur Kertasníkir allri fjölskydunni í skóinn og við sameinumt öll inni í svefnhrbergi hjá mömmu og pabba og opnum það sem við fengum, svo á hádegi hittast öll systkyni pabba og börn til að borða saman möndlugraut og þar er pakkaleikur fyrir krakkana. Svo frá hádegi til 6 keyri ég út jólapakka og hitti fullt af fólki. og svo er kvöldið auðvitað allveg draumur :)

Svar: 24 desember. Fordi at jeg få mange pakke og en store julepakke frå julemand i skoen. Så spiser vi meget godt mad og alle er i fin tøj =)

Ætli maður verður ekki að segja aðfangadagur. Ég umgengst aðeins fjölskylduna mína og vini á þessum degi. ég fer oftast með pabba að bera út jólakort heimsæki kunningja. Ég horfi á jólamyndir í sjónvarpinuog klæði mig upp. Besti matur sem ég veit um er jólamaturinn og það jólalegasta sem ég veit um er þegar fjölskyldan situr saman við borðið og er að borða jólamatinn. Við opnum auðvitað pakkana og förum svo til systur hennar mömmu sem ég elska að vera hjá. Fullkominn dagur!

Kæri Júlli

Ég vil þakka þér fyrir að halda þessum vef gangandi og ég veit ekki hvað ég myndi gera í Desember án Jólavefs Júlla ég hef fylgst með þér síðustu 3 ár og hef unnið í getrauninni einu sinni hvert ár, fékk diskinn Á Jólunum og bókina Áfram Ísland og bíð nú eftir póstinum í von um að Drakúla komi með honum.Og í getrauninni get ég ekki valið á milli Aðfangadag og Jóladag á aðfangadag þá erum við bræðurnir alltaf heima hjá mömmu og pabba og annað hvert ár er litli frændi minn með (annar bróðir minn er skilinn og fær strákinn önnur hver jól)stemningin sem fylgir því er alltaf eins alltaf sama hefðin en ég dýrka hana. Fyrst borðað og ég klára alltaf fyrstur og þá fer ég að að flokka kortin þegar allir hinir eru búnir að borða og leggja sig förum við að opna kortin hlægjum og skemmtum okkur yfir því að lesa kveðjurnar og skoða myndirnar sem við fáum með eftir kortin er fáum við okkur kaffi og kökur og förum svo í pakkana ég les alltaf á pakkana og dreifi þeim en þegar að litli frændi minn er heima þá sér hann um að skríða undir tréð láta mig hafa pakkann og ég les og þá lætur hann réttann aðila fá pakkann og fer að styttast í að hann geti lesið á pakkana sjálfur og á meðan gæti ég bara slakað á. Þessi jól eru mjög erfið fyrir alla í Þingeyjarsveit því góður drengur Egill Fannar Grétarson lést 5.des síðastliðin úr hjartastoppi og verður erfitt að halda jólin þegar að við vitum hvað erfitt fjölskyldan hans á en jæja ég vil óska þér og þinni fjölskyldu Gleðilegra Jóla við sjáumst svo næsta desember á nýju ári.

Allir dagar í desember hafa sinn sjarma, það er reyndar mjög gaman að eyða jólunum í fyrsta sinn annarsstaðar en inni á okkar heimili, en nú eigum við 2 börn sem búa á Akureyri og fannst okkur upplagt að við kæmum núna til þeirra og ætlum við að vera á Akureyri í 2 vikur.

Gleðilega jólahátíð og takk fyrir frábærar síður.

Mér finnst allur Desember skemmtilegur þá styttist til jóla jólalög spiluð og sungin jólaföndur í gangi og fleira á aðfangadag förum við alltaf í kirkju fyrir mat og hlustum á jólaguðspjallið og fallega tónlist þakka fyrir í ár gleðileg Jólakveðja.

Mér finnst þorláksmessa mjög skemmtileg. Þá býður maður eftir jólunum allt orðið hreint og fínt. Einnig búin að fá góðan skammt af sögum á Jólavef Júlla það bætir jólaandann mjög mikið hjá öllum á mínu heimili.
Kveðja og takk fyrir allt.

Okkur finnst Þorláksmessan æðisleg af því að þá er svo mikill ys og þys, aðfangadagur er líka svo frábær, allt svo fagurt og hátíðlegt. Nú, svo er það jóladagur, rólegheitastemming, nartað í afgangana, spilað og spjallað. Þá eru allir saman. Áramótin því að þá er svo skemmtilegt, gott að borða og eins og á aðfangadag þá er líka svo hátíðlegt á gamlárskvöld.Uppúr öllu stendur: Jólin eru öll yndislegur tími vegna samverunnar við þá sem okkur þykir vænt um. Elsku Júlli þú ert uppáhaldið okkar, þú hefur hjálpað okkur að gera biðina eftir jólum bærilegri. Guð blessi þig og alla þá sem þér standa nærri og eigðu gleðileg jól!!!

Lifðu heill!

Í dag finnst mér aðfangadagur vera skemmtilegasti dagurinn, vegna þess fyrst og fremst að gleðin hjá börnunum er svo mikil og einlæg þann dag. Einnig finnst mér jóladagurinn sjálfur yndislegur. En janframt erfiðastur. Þegar ég var að alast upp var hefð að fara í jólaboð til frænkna okkar. Jólaboðið stóð allan daginn, byrjað á hádegisverði, síðan var spilað og oft var mikið fjör enda öll stórfjölskyldan mættt á svæðið. Þarna vorum við oft langt fram á kvöld. Í minningunni fannst mér þetta ekkert mjög spennandi enda sem barn vildi maður frekar vera heima og skoða allar jólagjafirnar. En í dag þegar gömlu systurnar eru dánar, og einnig afi (bróðir þeirra), þá hefur þetta jólaboð á jóladag lagst af. Þetta er sjálfsagt það sem ég sakna mest á jólunum. En í staðin reynir maður að gera gott úr deginum og eiga góða og notalega stund með eiginmanni og börnum, förum svo í kvöldverð hjá tengdó.

Samt sem áður finnst mér öll aðventan alveg yndislegur tími og hver dagur öðrum betri. Jólaundirbúningurinn er oftast skemmtilegur og brýtur upp hjá manni hversdagsleikann. Maður má þó ekki láta hlaupa með sig í gönur, þannig að undirbúningurinn verði að stressi og látum. Best er að láta skynsemina ráða og nýta tímann í að hugsa um sína nánustu og þá sem minna mega sín, enda tel ég að það sé það sem gefi manni mest.

Mér finnst þorláksmessan skemmtilegust, þá er svo mikil kærleikur í öllum og allt að verða klárt.

Gleðilega jólahátið og farsælt nýtt ár og takk fyrir vefinn!

Skötuspurningin (könnunin) 2005.

Halló allir saman, takk fyrir frábær viðbrögð og mjög mörg skemmtileg bréf og frásagnir, og takk fyrir öll fallegur orðin og góðu kveðjurnar, þetta er það sem er svo skemmtilegt og ein af ástæðunum fyrir því að maður heldur áfram.Hér birti ég nokkur nafnlaus bréf.

Kæri Júlli þakka þér fyrir mjög skemmtilegan jólavef. Það hefur oft stytt mér stundir að fara inná vefinn og lesa allan fróðleikinn um jólin. Við borðum alltaf skötu heima fyrir jólin og erum reyndar búin að því. Hún var heldur sterk (kæst) í ár (hún eyddi slímhúðinni í kinninni á eiginmanninum að hans sögn) en hún var góð.

Já ég borða svo sannarlega skötu.

En svona þér að segja ætlaði ég nú ekki að vilja smakka hana á sínum tíma en á mínu heimili var það vani að smakka áður en maður hélt því fram að maturinn væri vondur. Við mamma erum jafn þrjóskar og sat ég við borðið heillengi en ég átti að smakka það sem var á diskinn minn sett og það var sko ekki mikið. Á endanum gaf ég mig (um kl 21 að mig minnir) og borðaði það sem á diskinum mínum var. Og var þetta bara alls ekki eins vont og lyktin sagði til um !!

Næst þegar mamma mín spurði hvað ég vildi hafa í matinn, ég mætti ráða, þá svaraði ég henni : Skötu !!! Og hún var ekki lengi að grípa þetta og auðvitað fékk ég skötu í matinn. Síðan hef ég ekki getað hugsað mér þorláksmessu án skötu og býður mamma mér alltaf með sér í mat í hádeginu á þorláksmessu en starfsmannafélagið hennar býður alltaf til veislu. Og fylgi ég með sem barnið hennar þó ég sé sjálf orðin fullorðin. !! Ég vil hafa skötuna eins kæsta og hægt er ...helst þannig að maður geti ekki andað fyrir ofan diskinn .....og borða ég hana bara eintóma !!!

Sonur minn sem er 7 ára fer líka með mér því honum finnst skatan mjög góð og boraðar hana með bestu lyst enda er allur hans uppáhaldsmatur...svona gamall matur, kjötsúpa, saltkjöt og baunir og því um líkt.

Þá segi ég bara gleðileg jól og takk fyrir skemmtilega síðu.

Kæri Júlli takk fyrir allar skemmtilegu stundirnar við vefinn þinn. Já mér þykir skata góð og hún var alltaf borðum heima meðan við bjuggum fyrir austan,en eftir að við fluttum suður,þá borðum við hana í skötuveislu sem íþróttafélagið Víðir í Garði heldur til styrktar sínu félagi. Svo langar mig að senda þér og þinni fjölskyldu mínar innilegustu óskir um gleðirík jól og gæfuríkt nýtt ár Mér finnst alltaf nauðsynlegt að reyna að halda í gömlu hefðirnar skata á þorláksmessu , hangikjöt á jóladag og hlusta á jólakveðjurnar á þorláksmessu.

Ég borða ekki skötu, hef einu sinni smakkað hana og finnst ekki góð. Ég á það sameiginlegt með tengdamóður minni að vilja pylsur á Þorláksmessu og það í pylsuvaginunum sjálfum. Maðurinn minn aftur á móti tók uppá þeim sið eftir að tengdamóðir mín rak hann og tengdapabba á dyr að fara alltaf í hádeginu á góðan stað og fá sér Skötu. Þeir fóru lengi vel á Múlakaffi en þar er alltaf fullt útúr dyrum og ákváðu þeir því að finna nýjan stað. Það er Höfðagrill þar sem er alltaf heitur matur í hádeginu og allskyns fólk borðar á. Verkamenn, leigubílstjórar, skrifstofufólk og fleira. Þá hlakkar alltaf til þessa dags því þar hitta þeir allskyns fólk með fullt af góðum sögum og skemmtilegheitum og svo fá þeir nátturlega Skötuna sína sem þeim finnst ómissandi. Skatan hefur sem sagt fært þá feðga saman á þessum degi fyrir vikið og er þetta "dagurinn þeirra".

Takk fyrir frábæran vef og Gleðileg jól

ég bý hjá ömmu og afa og bræður mömmu koma í mat og krakkarnir þeirra líka þannig að við erum svona um 15 manns. þetta er alveg meiriháttar... allir sitjandi saman... borðandi sterka skötu jafnvel svo að sumir svitna og gráta... haha.. það gerist ekki mikið betra en það... ;) en mig langar til að þakka þér kærlega fyrir að halda þessum jólavef og jóladagatali úti... :)

Ég borða skötu sjálf, vel kæsta helst. Ég hef borðað hana síðan ég man eftir mér og fer nú heim til mömmu og pabba til að borða hana þar, systkini mín koma þangað einnig. Sumir makar borða hana einnig, aðrir vilja ekki smakka :-) Börnin eru einnig frekar léleg í þessu, finnst hún frekar ógeðsleg

Nei ég get nú ekki sagt að ég borði skötu en ég reyni nú samt að smakka hana alltaf í hvert skipti.

Heima hjá mér er alltaf boðið fólki í skötu og við krakkarnir höfum vanalega haldið okkur bara við rúgbrauðið og poppið.En það er víst að það eru engin alvmennileg jól hjá mér nema að skötullyktin hafi komið í húsið daginn áður það er einhver vani. Við eigum nú líka alveg lager af ilmkertum þetta árið þannig að þetta verður í lagi.

Hver veit nema að ég smakki skötu á morgun líka og það ekki með þvottaklemmu það er svo asskoti óþægilegt og ég hef mína reynslu í því he he. Gleðileg Jól og þessi vefur hjá þér er mjög góður og skemmtilegur!!!

Sæll Júlli á mínu heimili er ekki borðuð kæst skata.Höldum okkur við væna flís af feitum og reyktum sauð,sem gengið hefur á hæstu hólum í Jökuldalshreppi hinum forna,enda þykir okkur það mikið betra en skatan..Þakka svo fyrir skemmtilegheitin á aðventunni og ég vona að þú haldir þessu áfram,

Kæri Júlli

Ég vil byrja á að þakka þér aftur fyrir þennan vef. Það er alltaf jafn gaman að fara inn á hann og hann styttir manni svei mér stundir fram að jólum. En já ég borða skötu. Ég hef alist upp við það frá því ég var ungabarn örugglega. Allur þessi hefðbundni íslenski matur hefur verið borðaður í fjölskyldunni minni frá því að ég man eftir mér. Þess vegna borða ég skötu, slátur, svið, sviðalappir og meira að segja hákarl. Það eru ekki margir 18 ára krakkar sem ég þekki sem borða hákarl. En mér finnst þetta mesta lostæti. :)

Í gegnum tíðina þá höfum við öll fjölskyldan safnast saman á þorláksmessu og borðað skötu. Ég man eftir því frá því að ég var ung að afi minn sagði alltaf að brjóskið/beinin í skötunni væri sælgæti fátæku barnanna í útlöndum. Síðan bruddi hann á því með bestu lyst.

Jólatréspurningin (könnunin) 2006. Nokkrar sendingar

Við fjölskyldan erum með gervitré, og höfum alltaf verið með þannig, þótt við værum allveg til í að hafa lifandi til tilbreytingar. Gamla tréð okkar var frekar lítið og við höfðum það alltaf upp á litlu borði eða stalli svo það virtist stærra ;) En núna erum við flutt í gamla hús afa okkar og við fengum gamla tréð hans þegar við fluttum. Við vorum rosalega ánægð því það er stórt og mjög flott, það nær næstum því upp í loft! Við settum tréð saman áðan og ætlum að skreyta það á morgun, við höfum samt yfirleitt líka sett það saman á Þorláksmessu.

Við erum sex manna fjölskylda á Sauðárkróki. Við hjónin erum 31 árs og eigum 4 börn saman 2,4,8 og 9 ára. Auðvitað er spenningurinn mikill þessa síðustu daga fyrir jól og við leyfum skrautinu að tínast upp á veggi og í hillur jafnt og þétt í desember en jólatréð bíður enn vegna þess að við höldum í það sem við ólumst bæði upp við og það er að jólatréð var aldrei skreytt fyrr en á Þorláksmessu og það er notaleg stund sem fjölskyldan á saman. Við skreytum með bæði aðkeyptu skrauti og líka heimatilbúnu bæði eftir húsmóðurina en líka eftir börnin og það er það fallegasta við tréð okkar sem er stórt og fallegt gervitré. Takk fyrir frábæran vef,

Saga um rauðgreni

fyrir nokkrum árum keyptum við rauðgréni dáltið villt í vexti en fallegt samt.Við skreyttum það á Þorkáksmessu en það gérum við reyndar alltaf.Það er parkett á öllum gólfum í þessari íbúð á góðum stað í RVK. þetta fallega tré var vökvað reglulega og var það fyrsta lifandi tré sem ég hef haft á mínu heimili.Það er komin jóladagur og ég vakna við sérkennilegt hljóð úr stofunni sem sagt hopp og skokk.Ég fer nú fram og finnst mér eins og ég sjái Ragga Bjarna sveifla höndunum e he en þetta var nú rauðgrénið sem var að hrista af sér allar kúlurnar því að greinarnar voru farnar að lafa.

Þetta var nú dáldið skondið.en í dag er reynda ekkert tré nkomið enn,en það er nú Þorlaksmessa á morgun.

Gleðileg jól og takk fyrir þessar frábæru síður.

Við erum með gerfitré hérna á Kambsveginum. Fyrstu ár búskapar okkar hjóna vorum við með lifandi tré. Við keyptum það minnsta sem selt var hjá trjá salanum okkar í Neskaupstað sem var til styrktar skógræktinni fyrir ofan bæinn. Elsta barnið okkar sem er 16 ára í dag var alltaf með þá drauma að fá tré alveg upp í loft eins og á Blómsturvöllunum í Neskaupstað. Hann áttaði sig ekki á því að tréð sem var þar var ekki bara lítið heldur var stofan okkar undir súð og það var rétt hjá honum það náði upp í loft. Þegar til Reykjavíkur kemur fyrir tíu árum síðan hélt þessi draumur áfram. Tveir drengir höfðu bæst við og voru líka með þennan draum að fá tré upp í loft. Við létum að því að fá okkur gerfitré önnur jólin okkar í Reykjavík og þótti það nokkuð gott 180 cm hátt. Ekki þótti börnunum það nú nóg en við ákváðum að þetta skildi nægja. Jólin 2000 á Þorláksmessu er tréð svo skreytt hjá okkur og gull fallegt eins og vanalega enda þrír myndadrengir að skreyta það sem þeir sjá á trénu og rosalega stolltir. Daginn eftir á aðfangadag rétt fyrir hádegi þurfti svo að rjúka út í búð nánar tiltekið Bónus og það fyrsta sem við sjáum er gerfijólatré 220 cm hátt á rétt um 5000 krónur. Okkur þótti þetta vera kjarkaup og vissum að við myndum færa drengjunum okkar stóra jólagjöf ef við kæmum með þetta heim. Þegar heim var komið settum við tréð saman og báðum strákana að bíða inni í herbergjunum sínum á meðan. Þegar þeir sáu tréð varð fagnaðurinn þvílíkur að meira að segja núna finn ég til þeirrar gleði sem ríkti á heimilinu. Strákarnir tóku skrautið af "litla" trénu og skreyttu hitt. Eftir að allt var tilbúið sagði þá miðdrengurinn ; Hey ættum við að safna trjám og búa til skóg í stofunni :-).

Við skreytum tréð alltaf þriðja sunnudag í aðventu. Við notum gamalt gervi tré síðan mamma og pabbi byrjuðu að búa, 20 ára. Skrautið á trénu er eftir okkur systkinin og auðvitað ýmislegt keypt. Það skemmtielgasta við tréð er gamla skrautið sem við notum ár eftir ár.

Gott kvöld Júlli,
jólatréð á mínu heimili er alltaf skreytt á Þorláksmessu og höfum verið með gervitré í 30 ár.
Ég sæki tréð út í bílskúr og set það saman en síðan er það konan sem skreytir það eftir að börnin fóru að heiman.
Ef ég hef mikið við og er rausnarlegur þá sæki ég líka fjöltengið og sting því í samband og jafnvel greiði úr seríunum með konunni. Og þá tel ég að verkið sé nánast alveg búið.

Mig langar að senda þér og fjölskyldu þinni innilegar jóla og nyjárskveðjur og þakka fyrir allar ánægustundirnar við að skoða vefina þína. Af jólatréssiðum okkar er það að segja að við höfum búið saman í 45 ár og alltaf verið með gerfitré,nú síðast mjög fallegt ljósleiðaratré. Við höfum sloppið við barrnálar og pöddur,og greniilminn er hægt að kaupa á brúsum.

Við höfum alltfa verið með gervijólatré af því að einn á heimilinu hefur ofnæmi fyrir svona ekta. Í fyrra var jólatréð okkar orðið svolítið lúið þegar við skreyttum það á þorláksmessu og það voru nokkrar greinar brotnar svo að við þurftum að snúa trénu á ákveðin hátt svo að brotnu greinarnar sáust ekki. En þetta árið fórum við snemma og keyptum okkur nýtt jólatré sem er reyndar gervi líka. Nýja jólatréð okkar er einn og fimmtíu á hæð en mamma var svona svolíðið að hugsa að fara og kaupa aðeins stærra henni fannst það aðeins of lítið en þegar hún sagði þetat móðgaðist ég svo af því að ég hef nú alltaf verið frekar lítil eftir aldri og svo akkurat núna þegar ég hef druslast upp úr fjörtíu tölunni og rétt smogin inn í einn og fimmtíu þá þarf móðir mín af öllum að segja að þessi hæð sé bara hreinlega of lítil fyrir hana. Mamma fór ekki að kaupa stærra tré, mín vegna. Oftast höfum við nú skreytt tréð í kringum þorláksmessu en það hljóp eitthvað í foreldra mína þetta árið og við skreyttum tréð 16. desember.Gleðileg jól og takk fyrir að nenna að halda vefnum svona vel uppi mér finnst alltaf bara partur af jólunum að skoða jólavefinn þinn á hverjum degi á hverju ári.;)

Sæll Júlli hér á okkar heimili er lifandi tré.Vorum með gervi en svo var ákveðið að prufa hitt fyrir nokkrum árum og það verður ekki aftursnúið. Tréið er sett upp 22 des og skreytt 23 des og allir með við það .ÞAð er eitt af þessu fasta hér á mínu heimili. Bestu jóla kveðjur til þín og þinna og takk fyrir að halda úti þessu dagatali það hefur stitt biðina eftir jólunum að geta kíkt á dagatalið og tekið þá´tt í getraunum.

Við skreitum jólatréð 23 des. Við erum ekki með livandi jólatré heldur gamalt saman sett plastjólatré sem er mjög gott.

Hér færðu svo stutta sögu um jólatréð okkar og Bröndu sem var fjörugur lítil kettlingur (sagan er auðvitað sönn að nánast öllu leiti)

Branda og jólatréð

Branda er fjörug og forvitin lítil kisa sem er í þann veigin að upplifa fyrstu jólin sín. Klukkan var orðin 18:00 á aðfangadeigi og von var á afa og ömmu á hverri stundu. Mamma var að leggja á borðið og pabbi að klæða sig í sparífötin. Ég hafði ekki neit að gera svo ég stóð bara og horfði út um gluggan á öll falegu ljósin. Skindilega heirði ég brak og bresti og svo brothljó rétt fyrir aftan mig. Ég leit við í snatri og þá var Branda komin nánast efst upp í jólatréð og búin að hrinda 2 jólakúlum niður á gólf þar sem þær láu í maski. Í firstu var ég reið og skammaði Bröndu á meðan mamma hjálpaði mér að hreinsa brottnu kúlurnar upp af gólfinu. Þegar við mamma voru búnar að hreinsa upp kúlurnar fór ég að vorkenna Bröndu sem stóð í sófanum og skammaðist sín. Ég áttaðimig á því að það voru jól og þá eiga allir að vera glaðir og svo var Branda bara lítill ketlingur sem hafði aldrei upplifað jól og vissi ekki að jólatré væru svona brothætt. Branda svaf afgangin af aðfangadeigi og allir voru glaðir og káttir. Afi og amma komu ekki firr en öll ósköpin voru búin og nú gekk aðfangadagur eins og í góðri sögu eftir þetta leiðilega en lærdómsríka atvik. Branda hafði lært að það má ekki klifra í jólatré og ég hafði lært að vera alltaf glöð á jólonum kvað sem kemur uppá.

Sæll Júlli

Ég hef alltaf verið með lifandi jólatré frá því ég fór að búa. En ólst upp við gerfitré. Tréð er skreitt með allavegana jólakúlum sem safnast hafa að manni í gegnum árin. Einnig nokkrum glerfuglum og fleiru skemmtilegu skrauti. Og ekki má gleyma seríunni. Ein lituð grílukerta sería innst í trénu og svo glær kertasetía fremst á greinunum. Alltaf hefbundi og engin tíska í gangi.

Ég óska þér gleðilegra jóla og þakka fyrir skemmtilega aðventu.

Góðan daginn,

ég er með gervitré og er búin að hafa það í nærri 30 ár og kann því vel.

Ég hef alltaf skreytt það á Þorláksmessu, fyrst voru það börnin sem skreyttu en eftir að þau fóru að heiman þá geri ég það alltaf sjálf.

Kallinn fær að skreyta allt annað!!!

En bestu óskir um gleðileg jól og farsælt nýtt ár.

Takk fyrir skemmtilegan vef

Við hér í Svalbarði skreytum jólatréð að kvöldi Þorláksmessu og því verður ekki breytt. Við erum oftast með lifandi jólatré en eigum líka eitt “skátatré” og auk þess eitt eldgamalt lítið tré sem heimasætan skreytir.